ခိုင်ရိုးမ(နယူးဒေလီ ) ။မောင်ဘီလူး Date …….. 21/ 4/ 2011
မြန်မာနိုင်ငံအုပ်ချုပ်ရီးစနစ်သစ်နန့် ထွက်ပေါ်လာရေ စာပီစိစစ်ရီးဌာန အတွင်း မူဝါဒ တချို့ကို လျှောလိုက်ပနာ အနုပညာ ၊သုတရသ ၊အားကစား၊ ကျန်းမာရီး၊ ကလေး၊ ဂမ္ဂီရစရေ အမျိုးအစား (၆) မျိုးကို စာပီစိစစ်ရီး သို့ မူကြမ်းကြိူတင်ပိုစရာ မလိုဘဲ တိုက်ရိုက်တည်းဖြတ် ထုတ်ဝီနိုင်ငံရေလို့သိရပါရေ။
ရခိုင်ပြည်နယ် အတွင်းထုတ်ဝီနီရေ ရခိုင်မ၈္ဂဇင်း စာစောင်တိကို လက်ရှိထုန်ပြန်ထားရေ အမျိုးအစား(၆) ခုထဲမာ အကျုံးဝင်နိုင်ကြောင်းသို့သော်လဲ ရခိုင်စာပီိကိစ္စကို စိစစ်ရေးက ကင်းလွတ်ခွင့် မရနိုင်သိမ့်ကြောင်း ရခိုင်စာပီ အသိုင်းဝိုင်း ပါးက သိရပါရေ။
" ယင်းသတင်းတောထွက်နီပါယာ၊ ကျနော်ရိုလဲ စိုင်းစားနီကတ်ပါရေ၊ ရခိုင်ပြည်က ထုတ်ဝီရေ စာစောင်တိ ကို စာပီစိစစ်ရီးသို့ တင်စရာမလိုဘဲ ထုတ်ဝီနိုင်ဖို့လားဆိုစာပါ၊ စာပီစိစစ်ရီးမာ ပယ်ပစ်တေ ရခိုင်စာမူတိလဲ အများကြီးပါ။ အခုမြန်မာနိုင်ငံအုပ်ချုပ်ရီး စနစ်သစ်မာ တောဇာပိုင်လာမယ်မသိ ၊ သူရိုပြောရေအတိုင်း ဖြစ်လာဖိုလား ဆိုစာကို" လို့ အမည်မဖော်လိုရေ ရခိုင်စာရွီံးဆရာတယောက်က ရခိုင်ရိုးမကိုပြောခပါရေ။
ရခိုင်ပြည်နယ် မြိ့နယ်တိုင်းလိုလို မာ မ၈္ဂဇင်းစာစောင်တိထုတ်ဝီမှုတိရှိကေလဲ စာပီစိစစ်ရီးက မကြာခဏ အဖြတ်ခံရရေ စာမူတိလဲ ရှိရေလို့သိရပါရေ။
"မ၈္ဂဇင်းစာစောင်တိကတော မြိုနယ်တိုင်းမာ ထုတ်ဝီကတ်ပါရေ၊ ၇ခိုင်ဗမာအရီးအသားနန့်ပါ၊ တင်ပြမှုပိုင်းမာတော့ မဆုိးလို့ဆိုနိုင်ပါရေ ။ ယေဒါလဲ နိုင်ငံရီးနန့်လ ဆက်နွယ်ရေဘ စာမူတိကိုဆိုကေ ဆင်ဆာ အဖြတ်ခံရပါရေ။ ဆိုလိုစွာ လွတ်လပ်စာ တင်ပြခွင့်မရှိသိမ့်လိုပါ၊"လို သုက ဆက်ပြောပါရေ။
လွန်ခရေ၂၀၁၀ ခုနှစ်က စစ်တွေမြိုမာ ရခိုင်ဂျာနယ်တစောင်ထုတ်ဝီရန် ကြိ်ုစားခကေလဲ ထုတ်ဝီခွင့်မရလို့်နီးစပ်တေ အသိုင်းဝိုင်းကဆိုပါရေ။
အစိုးရသစ်က သတ်မှတ်ထားရေ အမျိုးအစား(၆) မျိုးရေစာပီစိစစ်ရေးဌာန သို့ ကြိုတင်စိစစ်ခံစရာမလိုရေ ပိုင် အချောသတ်ပြီးခါမှ ဌာနသို့တင်ပြရဖိုလိုသိရပါရေ။
"တင်းကျပ်နီရေပုံနှိပ်ထုတ်ဝီရေးမူတိကို လျှောလိုက်စာပါ"လို့ ပြန်ကြာူးရေးဝန်ကြီးဌာန ၀န်ကြီး ပြန်ကြားရေးနန့် ပြည်သူ့ဆက်ဆံရေးဦးစီးဌာန ဒုတိယညွန်ကြားရေးမှူးချုပ် စာပီစ်ိစစ်ရီးနန့် မှတ်ပုံတင်ဌာန တာဝန်ခံ ဦးတင့်ဆွေက ပြည်တွင်းထုတ် ၈ျာနယ်တစောင်ကို ပြောကြားခပါရေ။
ရခိုင်စာပီ အသိုင်းဝိုင်းကမူ Free Press ဖြစ်လာဖို့ကို မျှော်လင့်ရေပိုင် ကြိုးစားလားဖိုလိုလဲစာပီအသိုင်းဝိုင်းက လာရေ သတင်းအရသိရပါရေ
